ਅੱਜ ਦੇ ਸਿੱਖ ਦੀ ਹਾਲਤ

ਅੱਜ ਦੇ ਸਿੱਖ ਦੀ ਹਾਲਤ ਮੈ ਕੀ ਬਿਆਨ ਕਰਾਂ,

ਆਪਣੇ ਮੂਲ ਨਾਲੋਂ ਜਮਾ ਹੀ ਟੁੱਟ ਗਿਆ ਹੈ |

ਜਿਹੜਾ ਗੁਰਬਾਣੀ ਤੋਂ ਬਿਨਾ ਨਹੀਂ ਸੀ ਜੀ ਸਕਦਾ,

ਨਿਤਨੇਮ ਵੀ ਉਸ ਦਾ ਹੁਣ ਤਾਂ ਛੁੱਟ ਗਿਆ ਹੈ |

ਜਿੰਨੇ ਭਾਜੜਾਂ ਪਾਈਆਂ ਸਨ ਦੁਸ਼ਮਣਾ ਨੂੰ ,

ਅੱਜ ਆਪਣਿਆਂ ਦੇ ਹਥੋਂ ਹੀ ਲੁੱਟ ਗਿਆ ਹੈ |

ਅਬਦਾਲੀ, ਨਾਦਰ ਵਰਗਿਆਂ ਨੂੰ ਭਜਾਉਣ ਵਾਲਾ,

ਅੱਜ ਹਥਿਆਰ ਬ੍ਰਾਹਮਿਨ ਦੇ ਅਗੇ ਸੁੱਟ ਗਿਆ ਹੈ |

ਡੇਰੇਦਾਰਾਂ ਦੇ ਹੱਥੇ ਏਹੋ ਜਿਹਾ ਇਹ ਚੜਿਆ,

ਪਖੰਡਵਾਦ ਅਤੇ ਕਰਮਕਾਂਡਾ ਦੇ ਵਿੱਚ ਹੀ ਜੁੱਟ ਗਿਆ ਹੈ |

“ਗੋਲਡੀ” ਜਿਹੜੀ ਸੋਚ ਨਾਨਕ ਨੇ ਬਕਸ਼ੀ ਸੀ,

ਅੱਜ ਉਸ ਸੋਚ ਨਾਲੋਂ ਹੀ ਟੁੱਟ ਗਿਆ ਹੈ, ਅੱਜ ਉਸ ਸੋਚ ਨਾਲੋਂ ਹੀ ਟੁੱਟ ਗਿਆ ਹੈ |

...ਵਰਿੰਦਰ ਸਿੰਘ (ਗੋਲਡੀ)