ਅੱਜ ਦਾ ਸਿੱਖ
ਕਹਨ ਨੂੰ ਤੂੰ ਸਿੱਖ ਕਹਾਵੇਂ ਪਰ ਕੰਮ ਕਰੇਂ ਤੂੰ ਮੰਦੇ
ਸਿੱਖ ਬੰਨਣ ਲਈ ਤਾਂ ਮਿਤਰਾ ਜਰਨੇ ਪੈਂਦੇ ਆਰੇ ਦੇ ਦੰਦੇ|
ਬਿਪਰ ਦੀ ਸੋਚ ਨੇ ਤੈਨੂੰ ਇਸ ਤਰਾਂ ਉਲਝਾਇਆ
ਧਰਮ ਦੇ ਨਾ ਦਾ ਡਰਾਵਾ ਦੇ ਕੇ ਕਰਮਕਾਂਡਾ ਵਿੱਚ ਫਸਾਇਆ
ਗੁਰਮੱਤ ਦੀ ਥਾਂ ਤੇ ਤੈਨੂੰ ਮਨਮੱਤ ਦਾ ਪਾਠ ਪੜਾਇਆ
ਗੁਰੂ ਦਾ ਪੱਲਾ ਛੱਡ ਕੇ ਤੂੰ ਆਪਣਾ ਸਾਰਾ ਕੁਝ ਗਵਾਇਆ
ਪਾਖੰਡੀਆਂ ਦੇ ਪਿਛੇ ਲਗ ਕੇ ਕਿਉਂ ਬੀਜੇਂ ਆਪਣੇ ਰਸਤੇ ਵਿੱਚ ਤੂੰ ਕੰਡੇ,
ਸਿੱਖ ਬੰਨਣ ਲਈ ਤਾਂ ਮਿਤਰਾ ਜਰਨੇ ਪੈਂਦੇ ਆਰੇ
ਦੇ ਦੰਦੇ|
ਧਰਮ ਦੇ ਨਾ ਤੇ ਪਾਠ ਕਰਾਵੇਂ ਕੀ ਕੀ ਨਹੀਂ ਤੂੰ ਕਰਦਾ
ਦੀਵੇ ਜਗਾਵੇਂ, ਤੀਰਥ ਨਹਾਵੇਂ, ਬਾਬਿਆਂ ਦਾ ਪਾਣੀ ਭਰਦਾ
ਹਰ ਸਾਲ ਹੇਮਕੁੰਟ ਜਾ ਕੇ ਠੰਡ ਲਵਾਉਣ ਤੋਂ ਵੀ ਨਹੀਂ ਡਰਦਾ
ਜਿਹੜਾ ਤੈਨੂੰ ਗੁਰੂ ਦੀ ਮੱਤ ਦੇਵੇ ਓਹਦੇ ਨਾਲ ਹੀ ਤੂੰ ਲੜਦਾ
ਕਿਰਪਾਨ ਰੱਖ ਕੇ ਮਾਲਾ ਫੜ ਲਈ ਲਾ ਦਿੱਤੇ ਅਕਲ ਆਪਣੀ ਨੂੰ ਜੰਦੇ,
ਸਿੱਖ ਬੰਨਣ ਲਈ ਤਾਂ ਮਿਤਰਾ ਜਰਨੇ ਪੈਂਦੇ ਆਰੇ
ਦੇ ਦੰਦੇ|
ਮਨਮੱਤ ਛੱਡ ਕੇ ਗੁਰਮੱਤ ਲੈ ਲਾ ਜੇ ਤੂੰ ਭਵਜਲ ਤਰਨਾ
ਜੇ ਤੂੰ ਗੁਰੂ ਦੇ ਰਸਤੇ ਚਲਣਾ ਤਾਂ ਪੈਣਾ ਤੈਨੂੰ ਪਹਲਾਂ ਮਰਨਾ
ਦੂਜਿਆਂ ਨੂੰ ਛੱਡ ਕੇ ਆਪਣੇ ਵਿਕਾਰਾਂ ਨਾਲ ਪੈਣਾ ਤੈਨੂੰ ਲੜਨਾ
ਉਸ ਰਸਤੇ ਤੇ ਬਹੁਤੇ ਲੋਕਾਂ ਤੇਰੇ ਨਾਲ ਕਦੇ ਨਹੀਂ ਖੜਨਾ
‘ਗੋਲਡੀ’ ਆਪਣੇ ਕੀਤੇ ਕਰਮਾ ਕਰਕੇ ਹੁੰਦੇ ਮਾੜੇ ਚੰਗੇ ਬੰਦੇ
ਸਿੱਖ ਬੰਨਣ ਲਈ ਤਾਂ ਮਿਤਰਾ ਜਰਨੇ ਪੈਂਦੇ ਆਰੇ
ਦੇ ਦੰਦੇ|
.......ਵਰਿੰਦਰ ਸਿੰਘ (ਗੋਲਡੀ)
